▶️በሲዳማ ክልል በሰብዓዊ መብቶች ጥሰት የተጠረጠሩ ፖሊሶች ተባረሩ “የዜጎችን ሕጋዊ እና ሰብዓዊ መብቶች ጥሰዋል”፤ ያላቸውን 157 የፖሊስ አባላት እና አዛዦች፣ ከሥራ ማሰናበቱን፣ የሲዳማ ክልል ሰላም እና ጸጥታ ቢሮ አስታወቀ። ከተባረሩት መካከል 27ቱ፣ በሕግ እንደሚጠየቁና ሌሎች 305 አባላት ደግሞ፣ ከባድ ማስጠንቀቂያ እንደተሰጣቸው፣ የቢሮው ኃላፊ አቶ ዓለማየሁ ጢሞቴዎስ፣ ለአሜሪካ ድምፅ ገልጸዋል። ከሥራ መባረራቸው የተገለጸው የፖሊስ አባላት፣ ከሳጂን እስከ ኢንስፔክተር እና የወረዳ ፖሊስ ጽሕፈት ቤት አዛዥ ደረጃ ድረስ የሚገኙ ሲኾኑ፤ ምርመራው የተደረገባቸውም፣ ባለፈው አንድ ወር ውስጥ እንደኾነ፣ የክልሉ ሰላም እና ጸጥታ ቢሮ ሓላፊ አስታውቀዋል። 👇ዝርዝሩን ከተያያዘው ፋይል ያድምጡ፡፡ | VOA Amharic

▶️ሽኖዬ ባህላዊ የልጃገረዶች ጨዋታን የማስቀጠል ዐውደ ትርኢት በአምቦ በኦሮሞው የገዳ ሥርዐት፣ ጭጋጋማው የሦስት ወር ክረምት እየገፈፈ፣ የብሩህ ተስፋ ምልክት ወደኾነው የመፀው ወራት ሲታለፍ፣ ምስጋና የሚቀርብባቸውና ልዩ ልዩ መልዕክት የሚተላለፍባቸው ባህላዊ የጨዋታ ክዋኔዎች አሉ፡፡ ከእነርሱም አንዱ የሽኖዬ ባህላዊ ጨዋታ ነው። ሽኖዬ፣ በልጃገረዶች የሚከወን ባህላዊ ጨዋታ ነው፡፡ ሰሞኑን፣ በኦሮሚያ ክልል ምዕራብ ሸዋ ዞን አምቦ ከተማ፣ ጨዋታውን እየከወኑ ያሉት ልጃገረዶች፣ የከተማው ልዩ ትዕይንት ኾነው ይታያሉ። በአምቦ ዩኒቨርሲቲ የሎሬት ጸጋዬ ገብረ መድኅን የባህል ጥናት እና ምርምር ማዕከል የሚያስተባብረው ይኸው የክዋኔ መርሐ ግብር፣ የሽኖዬን ባህላዊ ጨዋታ ለኅብረተሰቡ ከማዘከር ባለፈ፣ ነባር ይዘቱን እንደጠበቀ ለትውልድ እንዲተላለፍ የማስጠበቅ ዓላማ እንዳለው ማዕከል አመልክቷል።

🎙 ዜና እፍታ - በሚያንማር በአስቸጋሪ ኹኔታ ውስጥ ይገኙ የነበሩ 246 ኢትዮጵያውያን ታይላንድ መግባታቸውን የኢትዮጵያ የውጭ ጉዳይ ምኒስቴር አስታወቀ። - በኦሮሚያ ክልል፣ በሴቶች የሚመራ የሲቪል ድርጅቶች ጥምረት በሴቶች ላይ የሚደርሰውን ጥቃት ለማስቆም፣ በተለይ በክልሉ ግጭት በሚካሄዱባቸው አካባቢዎች አስቸኳይ ርምጃ እንዲወሰድ ጠየቀ። በኦሮሚያ ክልል የሚንቀሳቀሱት የሴቶች ሰላም ግንባታ ትስስር አዲስ አበባ ላይ በሰጡት ጋዜጣዊ መግለጫ፣ ባለሥልጣናት እና ባለድርሻ አካላት እየተባባሰ ያለውን ችግር እንዲፈቱ አሳስበዋል። - የዩናይትድ ስቴትስ ፕሬዝዳንት ዶናልድ ትራምፕ በእቅዳቸው መሰረት በመጪው ሳምንት ከካናዳ እና ከሜክሲኮ በሚገቡ ምርቶች ላይ የ25 በመቶ ቀረጥ እንደሚጥሉ አስታወቁ። ትራምፕ ይህን ውሳኔያቸውን የሚተገብሩት ሁለቱ ጎረቤት ሀገራት አሁንም ወደ አሜሪካ የሚገቡትን የአ